Autor: respira!

O Alguén que respira! réndelle hoxe, no recital que comeza ás oito da tarde no Teatro Principal de Compostela, unha homenaxe a Palestina a través Mohamad Bitari, poeta que naceu nos campos de refuxiados e que percorre, cos seus versos, a traxedia dun pobo asolado pola ocupación de Israel. Pero o recital non estará protagonizado só por esta guerra que leva xa provocado en Gaza máis de trinta mil mortos. Sobre o escenario tamén se escoitarán as voces do Kurdistán con Hekin Sefkan, as do Rif con Karima Ziali ou da República Saharaui con Zahara el-Hasnaui. Canda eles estarán o galego Samuel Merino e a andaluza Isabel Martín. 

---

 

Alfonso Armada e Carmen Vilar abriron As mañás do ambigú, o espazo matinal para o diálogo do festival Alguén que respira!. A mañá non puido ser máis apaixoante: mentres Armada desenvolveu os argumentos da encrucillada entre a sobreinformación e necesidade de seguir informando, Carme Vilar adentrouse pola senda de tomar perspectiva para reenfocar a realidade.

---

 

O libro do festival Alguén que respira!, que se reparte gratuitamente en cada recital, está dispoñible desde este mesmo xoves 21 no programa As mañás do ambigú, a partir das 12,30. Manuel Martínez é o encargado do deseño do volume, do logo e da imaxe en xeral do festival. Este ano, a súa opción foi abandonar os tradicionais pulmóns por un logotipo sincrético pero evocador, co seu colorismo, do estilo de entregas anteriores. No volume non só atoparás a programación ou información sobre participantes senón tamén poemas. Nesta ocasión, o máis salientable é o capítulo de traducións, xa que se reproducen en galego textos escritos orixinariamente en árabe, tamazight, hebreo, armenio, azerí, kurdo, catalán ou occitano. Tamén se inclúen os poemas que gañaron a segunda edición do Premio Respira! para estudantes.

---

 

II / O poeta e reporteiro Alfonso Armada foi o encargado de escribir o manifesto deste ano, titulado Manifesto fóra de campo ou a guerra é un asasinato

II / O recital inaugural comeza cunha porposta conxunta de María do Cebreiro e Abe Rábade sobre o libro A lentitude

II / A catalana María Sevilla, Gustavo Giménez, Tal Nitzan e André Tecedeiro tamén ofrecerán os seus poemas este 21 de marzo

II / Ao longo de tres xornadas, o festival ofrecerá un programa de alta impacto que se pode consultarse na web alguenquerespira.gal

II / Todas as entradas son gratuítas e poden reservarse na web compostelacultura.gal ou no despacho de billetes da Zona C

Galicia celebra este xoves 21 de marzo o Día Mundial da Poesía co Alguén que respira!, festival que chega á súa sétima edición no Teatro Principal de Compostela co conflito bélico como eixo temático. Máis de vinte poetas, periodistas, músic*s, performers e especialistas reúnense na cidade durante tres días para ofrecer un programa de alta intensidade onde a palabra, a música e a reflexión abren un espazo propio para construír ámbitos de seguridade fronte ás ameazas.

O escritor e periodista Alfonso Armada foi o encargado de escribir o manifesto que cada ano celebra o Día da Poesía e que lerá ás 19,30 horas no balcón do Teatro Principal compostelán. O programa, porén, comeza ás 12,30 da mañá cun café-faladoiro no que participan o propio Armada e a poeta e periodista Carmen Villar Alonso (na foto).

O recital inaugural comeza ás 20 horas, inmediatamemnte despois da lectura do recital, xa no interior do Principal coa participación de María do Cebreiro xunto a Abe Rábade, Tal Nitzan, María Sevilla, Gustavo Giménez e André Tecedeiro. O programa completo do festival pode consultarse na web alguenquerespira.gal.

Todas as entradas do festival son gratuítas e están dispoñibles para a reserva na web de compostelacultura.gal ou no despacho de billetes da Zona C. Punto de Información Cultural de 11 a 14 e de 16 a 19 h. (teléfono 981 542 462). Tamén se poden retirar no despacho de billetes do Teatro Principal desde unha hora antes do comezo do recital (teléfono 981 571 026).

O programa do día 22 é unha descarga de dor e de esperanza

O programa do día 22 tamén comeza ás 12,30 da mañá no ambigú do Principal con Cristina Sanchez, unha periodistas que cubriu boa parte dos conflitos de oriente próximo, oriente medio ou as revoltas en Libia. Canda ela, Iván Prado, responsable da asociación Pallasos en rebeldía e da escola de pallasos que existe en Gaza.

Xa pola tarde, o recital das 20 horas, co título A palabra percórreme a pel como beliscos de lume, reúne a potente carga emocional da rifeña Karima Ziali (na fotografía), a saharaui Zahara el-Hasnaui, o kurdo Hekin Sefran ou o palestino Mohamad Bitari. Canda eles a andaluza Isabel Martín e o galego Samuel Merino, que percorren os vieiros dos conflitos da identidade e da desigualdade social.

Os versos deste recital non só arrastran polo seu horizonte as sombras de loitas centenarias en defensa da dignidade, senón que afondan na súa dimensión literaria na dor que asolaga o mundo invisible ao outro lado das nosas costas. Estamos ante palabras que estremecen e que nos fan vibrar coa luninosidade da esperanza e a imparable marcha do seu canto.

A xornada do sábado 23

O festival conclúe o sábado 23 co café-faladoiro de Caetano Díaz con Daniel González Palau no ambigú do Principal e o programa Atravesei a cerca –ás seis da tarde– coas voces de Olalla Cociña, José María Cumbreño, Dores Tembrás e Luís López Alonso con Rafael Mallo.

A clausura será na Igrexa da Universidade a partir das oito e media da tarde cun despregamento impactante de música e poesía da man de Guadi Galego con Su Garrido, a rapeira Eskarnia, a cantante do Val de Arán Alidé Sans e o dúo de tecno-poesía valenciano No Poet. Nesde recital tamén lerán os seus versos os estudantes gañadores do Premio Respira!, Aroa Misa García, Serxio Abalo e Claudia Romero Dorna.

O festival

O festival Alguén que respira! é unha iniciativa da Concellería de Capital Cultural do Concello de Santiago de Compostela para apoiar a poesía en todas as súas expresións. O concello conta coa colaboración da Secretaría Xeral de Política Lingüística da Xunta de Galicia. O equipo de realización fórmano Antón Lopo na dirección; Cecilia Carballido na produción; Manuel Martínez no deseño gráfico; Baltasar Patiño na iluminación e escenografía; Lara Dopazo en comunicación, Iris Cochón na coordinación literaria; Soedade Noia na coordinacion do Premio respira! e Anxos Sumai na revisión lingüística do volume que se publicou con textos e biografías de cada poeta que participa no festival.

---

 

Como cada ano, o Alguén que respira! ofrece un texto con motivo do Día Mundial da Poesía, que nesta sétima edición escribiu Alfonso Armada e que leva por título Manifesto fóra de campo ou a guerra é un asasinato. O propio encargarase de lelo no día 21 de marzo, xoves, desde o balcón do Teatro Principal nunha acción previa ao recital inaugural. “Pode un manifesto poético ser un manifesto?”, pregúntase máis adiante: “Pode un manifesto ser un manifesto sen ser poético?”. Ao cabo, o que máis lle inqueda a este poeta de profesión xornalista, que foi cronista de multiples conflitos bélicos, é que a guerra poda resultarnos nalgún momento indiferente.

---

 

O Alguén que respira! contará nesta sétima edición cunha libraría que ofrecerá  non só os libros das persoas que participan desde a programación poética, senón tamén unha ampla oferta de poemarios editados en Galicia e fóra do país. Pedreira, con Antón e Chus como responsables, será a encargada de abrir unha xanela do vestíbulo do Teatro Principal para que tamén o libro sexa protagonista do festival. Os debates e reflexións das Mañás do Ambigú, que se celebran a diario no Principal a partir das 12,30, serán tamén unha oportunidade de atopar lecturas que complementen a reflexión sobre un mundo ao bvordo do conflito global.

---

 

Poucas figuras tan inquedas e combativas nesta sétima edición do Alguén que respira! como André Tecedeiro (Santarém, 1979), unha das figuras emblemáticas do combate trans en Portugal. A súa obra non só se adentra na poesía, na plástica ou no teatro, senón que se demerxe nas lindes do ensaio para implicar a sociedade enteira no desafío dunha xustiza social.

“Homens rosnam à sua passagem, / temem que o homem de saias os devore. / Mas ele passa, ele avança, sabendo bem / que reúne polos no interior de uma esfera / e que acende possibilidades debaixo da saia. / Tem barbas e a robustez de uma árvore. / A saia cai-lhe bem como a Júpiter. / Ao passar, tece harmonias com dissonâncias, / declara força com a brandura de um tecido”.

Publicou oito libros de poesia, entre os cales figura A axila de Egon Schiele (Porto editora, 2020), recomendado pelo Plano nacional de Leitura. Para teatro, escribiu Joyeux Anniversaire (2021); Desfazer (2021) e O Ensaio. É consultor e formador de linguaxe inclusiva e inclusión de xénero e foi orador en decenas de debates, conversas e conferencias, partillando a súa expe- riencia como persoa trans pola visibilidade e dereitos das per- soas LGTBQIA+.

---

 

Que ocorre cando o conflito te enfronta coa túa propia comunidade? Sobre ese lévedo xurde a poesía de Tal Nitzan, unha hebrea que pasou parte da súa vida en suramérica e que actualmente reside en Tel Avid, pacifista, contraria á ocupación de Palestina e editora dun nutrido volume de poesía hebrea de apoio ao pobo palestino. Ela é unha das poetas que intrevirán no recital inaugural do festival Alguén que respira!, que comezará ás oito da tarde do día 21 no Teatro Principal. Canda ela, autoras e autores de marcada personalidade, como a catalana María Sevilla ou o aragonés Gustavo Giménez, que presenta a súa particular proposta de poesía sonora. Non son as únicas estrelas dun cartel que completan María do Cebreiro, Abe Rábade e o portugués Andre Tecedeiro.

---

 

Faltan poucas horas para que se levante o pano do Teatro Principal de Compostela e comece o Alguén que respira!, co que Galicia celebra este 21 de marzo o Día Mundial da Poesía. Esta sétima edición do festival, marcada polos múltiples conflitos armados do mundo global, é sen dúbida a que interpela con maior inquedanza as consciciencias, en especial co recital do día 22 que reúne a potente carga emocional  da rifeña Karima Ziali (na fotografía), a saharaui Zahara el-Hasnaui, o kurdo Hekin Sefran ou o palestino Mohamad Bitari. Canda eles a andaluza Isabel Martín e o galego Samuel Merino, que percorren os vieiros dos conflitos da identidade e da desigualdade social.

Os versos deste recital non só arrastran polo seu horizonte as sombras de loitas centenarias en defensa da dignidade, senón que afondan na súa dimensión literaria na dor que asolaga o mundo invisible ao outro lado das nosas costas. Estamos ante palabras que estremecen e que nos fan vibrar coa luninosidade da esperanza e a imparable marcha do seu canto.

---

 

Dentro do excepcional programa que presenta a sétima edición do Alguén que respira! a oportunidade de escoitar xuntos a María do Cebreiro e Abe Rábade é, sen dúbida, unha das máis singulares. O recital, no que figuran punto a a poetas como María Sevilla, Tal Nitzan, André Tecedeiro ou Gustavo Giménez, terá lugar o día 21 de marzo ás oito da tarde no Teatro Principal. Dúas décadas levaban os dous irmáns sen coincidir no escenario e agora fano cun recital moi especial, xa que nel conflúen a poesía de María de Cebreiro coa improvisación jazzística, na que Abe Rábade é un dos máis admirados especialistas do momento. O nexo de unión será o A lentitude, libro onde a autora se amosaba máis vibrante que nunca, cunha linguaxe que arrastra os sedimentos da ametencia críptica, con revoltas que por momentos nos aproximan á mística, ao zen, ás sentencias morais, á intimidade confesional ou á revelación visionaria dunha muller que se reconstrúe constantemente na escrita.

---

 

Como cada ano, o Alguén que respira! reserva un espazo específico no seu programa para os faladoiros e, de feito, a primeira actividade do festival servirtá de limiar aos recitais. Trátas da sección As mañás do ambigú, que reunirá a partir das 12,30 no ambigú do Teatro Principal a peridiodistas, poetas, investigadores ou reporteiros para reflexionar (e debater) sobre o panorama dun planeta en conflito multipolar.

A primeira mañá do ambigú, que por suposto terá café e bizcoito para animar os faladoiros, será o xoves 21. Nela contaremos coa presenza de dúas persoas que comparten o periodismo e a poesía, Alfonso Armada e Carmen Villar.

O venres 22 será a quenda de Cristina Sanchez (na foto), unha periodistas que cubriu boa parte dos conflitos de oriente próximo, oriente medio e mesmo as revoltas en Libia. Canda ela, Iván Prado, responsable da asociación Pallasos en rebeldía e da escola de pallasos que existe en Gaza.

Xa o sábado 23, tamén ás 12,30 da mañá e no ambigú, o periodista Caetano Díaz e Daniel González Palau, director do IGADI, tratarán de indagar nas claves políticas que caracterizan as tensións bélicas actuais no mundo.

II / O poeta palestino Mohamad Bitari encabeza o cartel dun programa que ten como eixo temático o conflito

II / A pacifista hebrea Tal Nitzan participa no recital inaugural, despois da lectura do manifesto de Alfonso Armada

II / Nos tres días do programa haberá oportunidade de experiencias únicas, como a improvisación de jazz de Abe Rábade xunto a súa irmá María do Cebreiro a partir de poemas de A lentitude

II / O portugués André Tecedeiro abordará o conflito das identidades nos colectivos Lgtb mentres a sección Atravesei a cerca permitirá escoitar as voces de catro poetas nos espazos ocultos do Teatro Principal de Compostela

 

Desde as once da mañá deste venres día 15 están dispoñibles a entradas –todas gratuítas– para asistir aos recitais do festival Alguén que respira!, o gran acontecemento poético de Galicia que cada 21 de marzo –Día Mundial da Poesía– se celebra en Compostela Organizado polo Concello da cidade co apoio da Secretaría Xeral de Política Lingüística, o festival desenvólvese en tres días de programa, desde o xoves 21 ao sábado 23. Como escenario terá o Teatro Principal e a Igrexa da Universidade, espazo onde celebraremos o concerto-recital de clausura cun despregamento impactante de música e poesía da man de Guadi Galego con Su Garrido, a rapeira Eskarnia, a cantante do Val de Arán Alidé Sans e o dúo de tecno-poesía valenciano No Poet.

As entradas pódense reservar na web de compostelacultura.gal ou no despacho de billetes da Zona C. Punto de Información Cultural de 11 a 14 e de 16 a 19 h. (teléfono 981 542 462). Tamén se poden retirar no despacho de billetes do Teatro Principal desde unha hora antes do comezo do recital (teléfono 981 571 026).

O festival ofrece oportunidades únicas de asistir a propostas que, probablemente, non se repetirán nunca, como a da poeta María do Cebreiro co pianista Abe Rábade, que farán convivir a poesía do libro A lentitude coa improvisación dun dos jazzistas máis admirados da escena internacional. Tamén coinciden no festival un poeta palestino tan excepcional como Mohamad Bitari cunha poeta pacifista hebrea como Tal Nitzan. Canda eles, poesía saharaui, rifeña, kurda… Un completo percorrido por algúns dos conflitos que están a marcar a actualidade no mundo.

O recital inaigral, que estará precedido polo manifesto de Alfonso Armada, contará coa presenza de André Tecedeiro, un home trans que se convertiu no centro do activismo Lgtb en Portugal, ou María Sevilla, que desta volta trae ao festival a súa proposta híbrida de poesía e música. Tamén estará canda eles a fascinante poesía sonora do aragonés Gustavo Giménez.

O Respira! tamen ten un premio literario para estudantes que este ano gañaron Aroa Misa García, de quinto de primaria, co seu poema Si e non; Serxio Abalo con Uxío en universidade e Claudia Romero Dorna en ESO con Danza dos corpos inertes.

O CPI Cova Terreña de Baiona parece ter descuberto o segredo de incentivar a poesía no alumnado e, por segundo ano consecutivo, gañou o Premio Respira! de poesía para estudantes no apartado de Primaria. Deste xeito, a alumna Aroa Misa García, que cursa quinto, logrou o recoñecemento do xurado polo seu poema Si e non. O tema central desta convocatoria era A guerra fronte á construción da paz. O xurado estivo composto por Iris Cochón, Anxos Sumai e Soedade Noia. Antón Lopo, director do festival, foi o secretario.

O texto aparecerá publicado no libro do festival, que se entregará aos asistentes dos distintos recitais do seu programa entre o 21 e o 23 de marzo. A propia Aroa Misa, ao igual que o restro dos gañadores, lerán os poemas na sesión do sabado 23, que se celebrará na Igrexa da Universidade de Santiago de Compostela. O festival está organizado polo Concello de Santiago coa colaboración da Secretaría Xeral de Política Lingüística da Xunta de Galicia.

Mentres o xurado salientou a calidade e elevada participación en Primaria, tamén subliñou que no apartado de bacharelato e ciclos formativos de 1º grado o resultado foi menos esperanzador, polo que decididron declaralo deserto. Con esta decisión queren tamén chamar a atención do bache que se produce na participación entre os primeiros anos do ensino e a universidade.

Precisamente, no apartado universitario e ciclos formativos de 2º grao, o gañador foi o poeta Serxio Abalo co texto Uxío. Abalo, que aínda non publicou un libro individual, si participou en distintos proxectos colectivos e o seu nome pertence ao grupo das voces emerxentes actuais.

Por último, no apartado de ESO, Claudia Romero Dorna alzouse co premio grazas ao poema Danza dos corpos inertes. Romero Dorna é unha alumna de 4º de ESO que estuda no IES Francisco Aguiar de Miño.

Cada unha das categorías conta coa súa correspondente dotación económica, o cal converte este galardón no máis importante do nivel estudiantil que existe en Galicia. En Primaria o premio é de 200 €, en ESO de 300 €, en Bacharelato de 400 € e en Universidade e Ciclos formativos de 2º grado o premio chega aos 600 €.

O festival Alguén que respira! convoca o premio como un apartado específico do seu programa co obxectivo de fomentar a poesía no impulso das ideas e facer do galego un idioma de intercambio cultural.

---

 

O programa da VII edición do festival Alguén que respira! está xa pechado e, un ano máis, converterá Compostela no cumio galego da poesía. Fiel á súa vocación de crear un marco de reflexión sobre a realidade e a sociedade actual, o festival terá este ano como eixo temático a poesía en territorio conflito, con especial atención ás áreas de enfrontamento bélico, pero tamén as tensións sociais, a das identidades ou as que suceden no corpo. Serán tres días intensos de recitais que se iniciarán o xoves 21 de marzo no Teatro Principal coa lectura do manifesto que escribiu Alfonso Armada para o Día Mundial da Poesía e concluirá na Igrexa da Universidade o día 23 cun encontro de auténtico luxo onde a música e a poesía se mesturarán da man de Guadi Galego, Alidé Sans, Eskarnia e No Poet.

Neste respira!, que estrea novo logo realizado por Manuel Martínez, teremos oportunidade de escoitar voces de territorios xeográficos distantes que viven, desde hai anos, en medio de escaladas bélicas. Fronte a ese horizonte, o festival quere abrir ambitos de reflexión e de encontro. Deste xeito, o día 22 de marzo recitarán Hasmik Simonian, Nigar Arif, Mohamed Bitari, Tal Nitzan, Zara Hasnaui, Karima Ziali e Hekin Sefkan, acompañados por Isabel Martín e Samuel Merino.

O recital inaugural é unha oportunidade única de escoitar xuntos, nunha improvisación de jazz e de lectura poética, a proposta de María do Cebreiro con Abe Rábade, un dos pianistas máis celebrados do panorama peninsular. Os dous irmáns reúnense por primeira vez desde hai vinte anos para un recital que aposta por fundir, precisamente, a música e a palabra. Nesa liña inscríbese a proposta da catalana María Sevilla ou a poesía sonora do aragonés Gustavo Giménez. Canda eles, unha das figuras máis fascinantes do ámbito performático europeo e, sen dúbida, un dos activistas trans máis radicais de Portugal, André Tecedeiro.

Mantense a xa habitual sección de Atravesei a cerca, unha iniciativa que fai de todo o Teatro Principal un espazo para a poesía, permitíndolle aos asistentes non só coñecer e escoitar as propostas de Olalla Cociña, Dores Tembrás, José María Cumbreño e Luís López Alonso con Rafael Mallo, senón tamén explorar ámbitos de acceso restrinxido como o faiado do teatro –que permanece inalterado desde o se´culo XIX–, os cameríns, a chácena ou as terrazas.

O programa inclúe, ademais, unha serie de cafés-faladoiro para facilitar tamén o debate ou a entrega da segunda edición do Premio respira! para estudantes, o máis importante desta caste en Galicia, destinado a fomentar a poesía entre a rapazada. Ten catro categorías: primaria cunha dotación de 200€, ESO con dotación de 300€, bacharelato con 400€ e universidade / ciclos formativos de 2º grado con dotación de 600€.

Como conseguir as entradas

Para asistir ao festival pódense retirar as entradas na web compostelacultura.gal ou no despacho de billetes da Zona C. Punto de Información Cultural de 11 a 14 e de 16 a 19 h. (teléfono 981 542 462). Tamén se poden retirar no despacho de billetes do Teatro Principal desde unha hora antes do comezo dos recitais (teléfono 981 571 026).

Todas actividades teñen carácter gratuíto ata esgotar aforo!!!!

O festival

O festival Alguén que respira! é unha iniciativa da Concellería de Cultura do Concello de Santiago de Compostela para apoiar a poesía en todas as súas expresións. O concello conta coa colaboración da Secretaría Xeral de Política Lingüística da Xunta de Galicia. O equipo de realización fórmano Antón Lopo na dirección; Cecilia Carballido na produción; Manuel Martínez no deseño gráfico; Baltasar Patiño na iluminación e escenografía; Iris Cochón na coordinación literaria; Soedade Noia na coordinacion do Premio respira! e Anxos Sumai na revisión lingüística do volume que cada ano se publica con textos e biografías de cada poeta que participa no festival.

Faltan só horas para que comece no Teatro Principal de Compostela o festival Alguén que respira!, o grande acontemento poético de Galicia. Articulado este ano arredor da ecopoesía, o Respira! reúne no seu programa a algunhas das figuras de maior compromiso co alento ecolóxico da literatura, desde Jorge Richmann (na imaxe), Versofonía ou Amorante a poetas como Carlos Solla, Rosa Berbel, Keith Payne ou Jansky. Serán catro días intensos que se inauguaran este sábado día 18, ás 12,30 do mediodía, cun café faladoiro no ambigú do Teatro Principal onde participan María Xesús Nogueira –a máis representativa investigadora da ecopoesía en Galicia– e Rosa Belber, poeta andaluza que desde hai anos esculca as canles ecopoéticas.

Xa pola tarde, dará comezo o programa de recitais con catro voces escintilantes. Jorge Riechmann é un referente en España do ecoloxismo social, profesor de ética e filosofía política en Madrid. Canda el estarán María Grandío, escritora emerxente da nova poesía galega, caracterizada por unha poderosa presenza escénica; a propia Rosa Berbel, e Amorante, que desde Euscadi navega con xenio visionario as augas da música e da poesía.

O programa, nos días sucesivos, inclúe as propostas de Jansky, Keith Payne, Ismael Ramos, Miro Villar, Antonio Orihuela, Margarita Ledo Andión, Versofonía, Tino de Féliz, Joseba Sarrionandía, Isaac Xubín, Ruper Ordorika, Helena Villar, Claudio Rodríguez Fer,  Antía Otero, Xabier Cordal, Arancha Nogueira, Olalla Cociña, Manuel Rivas, Iago González, Ramón Blanco+Pablo Sax, Rebeca Baceiredo, Rafael Rodriguz Baixeras, Tamara Andrés, Carlos Solla, Genaro da Silva ou Clo Plas.

---