O Respira! réndelle homenaxe a Palestina

O Alguén que respira! réndelle hoxe, no recital que comeza ás oito da tarde no Teatro Principal de Compostela, unha homenaxe a Palestina a través Mohamad Bitari, poeta que naceu nos campos de refuxiados e que percorre, cos seus versos, a traxedia dun pobo asolado pola ocupación de Israel. Pero o recital non estará protagonizado só por esta guerra que leva xa provocado en Gaza máis de trinta mil mortos. Sobre o escenario tamén se escoitarán as voces do Kurdistán con Hekin Sefkan, as do Rif con Karima Ziali ou da República Saharaui con Zahara el-Hasnaui. Canda eles estarán o galego Samuel Merino e a andaluza Isabel Martín.