Desde este martes día 16 pódense reservar as entradas para o festival

As entradas para asistir o 21 de marzo ao recital inaugural do festival Alguén que respira! estarán dispoñibles desde este martes, día 16, na billetería do Teatro Principal e mais na web www.compostelacultura.gal. O aforo, polo protocolo sanitario da covid-19, é limitado. As entradas reservadas deberán retirarse antes das sete da tarde dese mesmo día 21, hora na que comeza a lectura do Manifesto do Día Mundial da Poesía, que realizará desde o balcón do teatro o seu autor, Manuel Rivas. Se non se retiran nese horario, serán postas de novo na billetería.


 

Iago González, o poeta que ven de Arnuíde

Iago González (Arnuíde, Vilar de Barrio, 1999) é un dos dous poetas galegos que interveñen o día 21 de marzo no recital + ou – 21 [anos], dentro da xornada inaugural do festival Alguén que respira!. Trátase dun poeta precoz, que se sente entroncado «coa sabedoría dos maiores e coa insondable beleza dos lameiros e da serra, na xenealoxía das mazaíñas pequenas e irregulares que non teñen nada que temer nin que tremer». en ourense, baixo o maxisterio de olga novo, rodou «carreiro arriba sen despegar a carabuña do fogar e aprendendo das infinidades e infinitudes do coñecemento profundo, admirando entre lúcidos compañeiros e profesores sensibles, humildes e soberanos mestres». agora estuda en Compostela Filoloxía galega. «Aínda inocente», subliña, «tripada pola pita e cun verme azuliño coma a xeada, a miña mazá retórcese inaudita na inmensidade, e vaise enchendo do soño para medrar, reconditamente perdida na cultura popular, na tradición serodia, na píbeda rural, na canción dos falares, na redención dos dicires, na curación dos poemas e na relixión dos amores. sucando na aventura dos mundos o xerme vivo da natureza prístina. recibindo a cor sen dor. descubrindo a mazaira. a mazá na aira, de fóra para dentro.


 

Seis poetas ibéricos no seu equinoccio creativo para o recital ‘+ ou – 21 [anos]’

A xornada inaugural do festival Alguén que respira! comeza o día 21 de marzo ás sete da tarde no balcón do Teatro Principal de Compostela coa lectura do manifestó que escribiu Manuel Rivas, ao que seguirá un recital de forte impacto polos novísimos representantes das distintas linguas peninsulares que se reunirán en Compostela.

O recital terá lugar a partir das sete e media da tarde no interior do teatro, baixo o título + ou – 21 [anos]. Será unha espectacular panorámica de poetas no equinoccio da súa primavera creativa.  Belén Senín (Potecesures, 1999) e Iago González (Vilar de Barrio, 1999) estarán lendo os seus versos pola lingua galega. Polo éuscaro, será Martín Bidaur (Toulouse, 1996); polo portugués, Maria Brás Ferreira (Lisboa, 1998); polo catalán, María Isern (Vic, 1994); e polo castelán Mario Obrero (Madrid, 2003).

O festival Alguén que respira! é unha iniciativa da Concellería de Acción Cultural do Concello de Santiago de Compostela para visibilidade da poesía en todas as súas expresións. O concello conta co apoio da Secretaría Xeral de Política Lingüística da Xunta de Galicia. O equipo de realización fórmano Antón Lopo na dirección; Cecilia Carballido na produción; Manuel Martínez no deseño gráfico; Baltasar Patiño na iluminación e escenografía; Alexandre Fernández Peón en comunicación e Iris Cochón na coordinación literaria.

Manifesto do Día Mundial da Poesía 2021: Poesía fronte a bioperversidade

Manuel Rivas

Alguén que respira!, o festival de poesía de Compostela, comeza a súa andaina o próximo domingo 21 de marzo coa lectura do Manifesto que escribiu Manuel Rivas para celebrar o Día Mundial da Poesía. Será ás 19 horas no balcón do Teatro Principal como inicio do recital + ou – 21 [anos], un encontro que reunirá en Galicia ás voces máis esixente novas da poesía peninsular nas súas distintas linguas.

O manifesto de Rivas, titulado Manifesto da des-extinción, é un texto rebelde para “un tempo de emerxencia no mundo” e tamén un chamamento para converter a poesía nun “activismo de des-extinción” que berra na primavera: Non hai tempos nortos!.

Rivas fai un chamamento de intervención directa nun “rumbo de horizontes enfermos” onde a poesía é “o primeiro e o último faro”. Un tempo de “bioperversidade” fronte á biodiversidade da palabra poética, que é “sempre colabroativa, dunha soidade compañeira, mesmo no desacougo máis radical hai que un dicir ultimo: Non aos tempos mortos!”. Un tempo de servidumes fronte aá resitencia da poeía. Un tenpo de produción da mentira fronte ao “activiso da verdade” , fronte á “palabra que bate onde doe o dente”.

A poesía, en palabras do do autor do Libro do entroido, “trousa, vomita, rebélase, interpela aos señores e deuses, do poder real ou da mitoloxía, mais nunca fai estragos. todo é de proveito, mesmo a súa rabia. é excitación creativa, xermola, lanza luces na escuridade. o que a poesía ten de rabia, de noxo, de vergoña, vai atemperada, pola súa natureza poética, pola ironía, a burla ou a compaixón”. 

Trátase dunha poesía, engade, na que xermola “toda revolta” , unha “óptca da sensibilidade, para o individuo e a sociedade” que permite ver o que non está ben visto”. E por iso é “dunha indolcilidade cósmica”.

“Quen pretenda protexer a peosía, ignora que a poesía é a que nos protexe. Quen a considere innecesaria, ignora que é imprescindíbel”, coclue Manuel Rivas nun manifesto onde hai sal, terra e “honorábel e sublime esterco” onde levedan as palabras.

O texto íntegro do manifesto aparece na publicación do festival, que ese día 21 de marzo se lle repartirá aos asistentes.

Alguén que respira! , organizado polo Concello de Santiago de Compostela co apoio da Secretaría Xeral de Política Lingüística da Xunta, chega á cuarta edición readaptando o seu calendario ás continxencias da pandemia pola covid-19. Sen perder a referencia do 21 de marzo, cando se celebra o Día Mundial da Poesía e o equinoccio de primavera, o festival exténdese ao longo do ano en catro xornadas que lle pemiten adaptarse aos progresivos protocolos sanitarios. Deste xeito, o Teatro Principal de Compostela, sede do festival, acollerá un programa adaptado ás circunstancias sanitarias que correspondan o domingo 21 de marzo, o luns 21 de xuño (solsticio de verán), o martes 21 de setembro (a unhas horas do equinoccio de outono) e o martes 21 de decembro (solsticio de inverno). En cada xornada haberá, ademais, eixes temáticos que articularán os ciclos de recitais e desde a organización xa anuncian que haberá propostas inesperadas.

O obxectivo é preservar, na medida do posible, seccións características de edicións anteriores, como Atravesei a cerca (un percorrido polos espazos máis recónditos do Teatro Principal) ou o apartado de producións propias.


 

‘Os 21 do 21’: a cuarta edición do Alguén que respira! celebra equinoccios e solsticios coa poesía como corpo principal

Alguén que respira!, o festival de poesía de Compostela, chega á cuarta edición readaptando o seu calendario ás continxencias da pandemia pola covid-19. Sen perder a referencia do 21 de marzo, cando se celebra o Día Mundial da Poesía e o equinoccio de primavera, o festival exténdese ao longo do ano en catro xornadas que lle pemiten adaptarse aos progresivos protocolos sanitarios. No mes de decembro, esperamos contar coas condicións adecuadas para ofrecer formatos completos, tanto nos aforos como na proximidade dos asistentes ou na sucesión de recitais.

En conxunto, non será con todo un programa aleatorio, senón que xoga coas súas datas habituais para establecer unha cadea de equinoccios e solsticios baixo o selo da poesía, ao tempo que fai unha chiscadela cos algarismos do ano actual, o 2021. Por esa razón, o lema desta cuarta edición é Os 21 do 21, todo un convite de complicidade que permite gravar na memoria colectiva as catro citas clave da temporada, superando a barreira de que coincidan en domingo, en luns ou en martes. Poesía concibida tamén con alento diario, no medio de semana, como forma de vida cotiá.

Deste xeito, o Teatro Principal de Compostela, sede do festival, acollerá un programa adaptado ás circunstancias sanitarias que correspondan o domingo 21 de marzo, o luns 21 de xuño (solsticio de verán), o martes 21 de setembro (a unhas horas do equinoccio de outono) e o martes 21 de decembro (solsticio de inverno). En cada xornada haberá, ademais, eixes temáticos que articularán os ciclos de recitais e desde a organización xa anuncian que haberá propostas inesperadas.

O obxectivo é preservar, na medida do posible, seccións características de edicións anteriores, como Atravesei a cerca (un percorrido polos espazos máis recónditos do Teatro Principal) ou o apartado de producións propias.

O festival Alguén que respira! é unha iniciativa da Concellería de Acción Cultural do Concello de Santiago de Compostela para apoiar a poesía en todas as súas expresións. O concello conta co apoio da Secretaría Xeral de Política Lingüística da Xunta de Galicia. O equipo de realización fórmano Antón Lopo na dirección; Cecilia Carballido na produción; Manuel Martínez no deseño gráfico; Baltasar Patiño na iluminación e escenografía; Alexandre Fernández Peón en comunicación e Iris Cochón na coordinación literaria.


 

Renato Filipe Cardoso, a profundidade da voz portuguesa chega ao ‘respira!’

Renato Filipe Cardoso, unha das presenzas máis impactantes da poesía portuguesa actual, lerá os seus poemas no recital inaugural do Alguén que respira!, que este sábado bota a andar no Teatro Principal de Santiago de Compostela. Xornalista e presentador de televisión na área da Música, locutor comercial, promotor de distintos eventos poéticos, micro-editor e dicidor profesional, Cardoso publicou máis de dez libros. Como dicidor, é unha figura de referencia do mítico Pinguim Café do Porto e das Quintas de Leitura do Teatro Municipal desa mesma cidade. Actualmente, mantén activos varios proxectos, entre eles a performance satírica Missa MalDita e o colectivo Stand-up Poetry.


 

Presentado aos medios de comunicación o programa para os tres días do festival

Alguien que respira! presentouse este xoves día 17 na Casa do Concello de Santiago de Compostela, institución que promove e organiza o festival. O acto contou coa participación da concelleira de Acción Cultural, Mercedes Rosón, e o director do festival, Antón Lopo, que coordina un equipo formado por Manuel Martínez no deseño, Baltasar Patiño na iluminación, Cecilia Carballido na produción, Iris Cochón na coordinación literaria e Alexandre Fernández Peón en comunicación. A información sobre a presentación aparece na web do concello, www.santiagodecompostela.gal, e tamén a poderes ver a través de youtube.

Continuar lendo “Presentado aos medios de comunicación o programa para os tres días do festival”

‘LuzAzuL’, unha lembranza audiovisual para unha poeta apaixonada

Luz Pozo Garza, a poeta que coa súa obra percorreu case un século de poesía galega, será homenaxe este sábado día 19 polo Alguén que respira!, para o que escribiu o Manifesto da poesía 2020. Estaba previsto que Luz Pozo lese o texto o pasado 19 de marzo pero o aprazamento do festival en primavera frustrouno entón e agora será imposible: o 20 de abril a poeta falecía na Coruña. Esta circunstancia non impedirá que ela, unha muller que dixo nunha ocasión que a morte “en realidade non existe”, teña voz propia no festival cun emocionante vídeo titulado LuzAzuL onde se recrea a súa personalidade e unha lectura do manifesto a cargo da poeta Nieves Neira. O programa do respira! preséntase este xoves, día 17, no Concello de Compostela, impulsor e organizador do festival.

En novembro de 2019, a organización do Alguén que respira! pediulle a Luz Pozo Garza que escribise o Manifesto da Poesía 2020, unha das seccións habituais que compoñen o programa deste festival, organizado polo Concello de Santiago de Compostela para celebrar o Día Mundial da Poesía. Ela acolleu con entusiasmo a idea e durante uns meses reelaborou escritos previos, engadiulle outros novos, e confeccionou un texto que, en principio, debería ler o día 19 de marzo na apertura do festival. O último correo que escribiu sobre a cuestión data do seis de marzo, no que indica certas modificacións sobre o orixinal.

Continuar lendo “‘LuzAzuL’, unha lembranza audiovisual para unha poeta apaixonada”

Samuel Solleiro entra no programa do festival dentro de ‘Atravesei a cerca’

Samuel Solleiro, unha das figuras con maior personalidade da poesía galega actual, únese ao programa do Alguén que respira! dentro da sección Atravesei a cerca –sábado 19 a partir das 18,30. A reorganización dos contidos tras a caída de cartel do artista Miguel Azguime –debido ás restricción impostas esta semana en Portugal– obrigou a desprazar algún recitais e introducir poetas en principio non previstos, como é o caso de Solleiro.

Autor de poemarios de culto como O mundo dos vivos ou Punk, Samuel Solleiro é un autor con sona de loitar contracorrente, posuidor cunha escrita de gume afiado e capaz de irromper na lectura do poema con descargas de inxenio. Os seus recitais son unha prolongación do traballo no grupo Ataque Escampe, do que é guitarrista. Tradutor de profesión, licenciado en Antropoloxía e Filoloxía, Solleiro publicou sobre todo narrativa, xénero no que figuran títulos como Dz ou o libro do esperma (2006) e Gran tiburón branco (2012).


 

As entradas para o ‘respira!’, un ben prezado

En só unas horas, todas as reservas que se puxeron pola canle online do festival Alguén que respira! quedaron esgotadas. Pero non vos desanimes: existe un cupo a disposición do público na vbilletería para cada programa. Ademais, as personas que fixeron a reserva online deberán recoller as entradas unha hora antes de cada evento e no caso de non retiralas quedarán libres tamén na billetera do Teatro Principal, sede do festival e espazo no que se desenvolven os programas desde 19 ao 21 de setembro. Se xa nas edicións anteriores o festival logrou unha acolita entusiasta, nesta terceira edición bateu todas as expectativas. A calidade do cartel e a variedade de propostas é unha das características do respira!, organizado polo Concello de Santiago de Compostela como unha decidida aposta para converter a poesía no eixo da acción creativa.

Durante tres días e cun programa de recitais excepcionais, o festival busca o máis difícil: romper as barreiras entre público e poetas nunha época de distancias físicas. En moitos casos, será a única oportunidade de asistir a propostas singulares como a performance Corpus literarios –onde os poemas se verán tatuados sobre a pel de varios performers– e estreas absolutas, como o espectáculo Que hostia din os rumorosos? de Rompente, primeira peza que montan desde hai anos. Celso Fernández Sanmartin e Pablo Fidalgo responden ao encargo do propio festival para crear unha obra específica en Sentadas no escenario cos pés colgados e Je vous salue, Francisco Cortegoso, mentres Mercedes Peón percorre en Linguas elementais a poesía escrita por mulleres acompañada de María Reimóndez.

Cada elas e eles estarán as voces de poetas como Manuel Rivas, Beatriz Chivite, Lupe Gómez, Blanca Llum, Renato Filipe Cardoso, Rafa Lobelle, María Lado, Lara López, O Leo, David Trashumante, Rosalía Fernández Rial, Adriá Tárrega, Pau Vadell, Pol Guasch, Carlos Quiroga ou Nieves Neira, encargada de ler o manifesto que Luz Pozo Garza deixou escrito para ser lido no festival. A regueifa de Lupe Blanco, Josiño da Teixeira, Olalla da Prica e Manolo de Burela, ou a presenza performática de Charo Lopes, Lupita Hard, Paulinha, Nébeda Piñeiro, Xosé Antonio Liste e Millán Fernández completan o cartel do que é, sen dúbida, o gran acontecemento anual da poesía en Galicia.


 

Pornós únese ao ‘respira!’ para participar na nova proposta ‘Escenas cruzadas’

A emerxencia do covid-19 sigue a sacodir as programación do Alguén que respira!, o festival de poesía que se celebra no Teatro Principal de Santiago de Compostela desde este sábado día 19 ao luns 21. A poucas horas de iniciarse o festival e ante as novas restriccións impostas polo goberno portugués, o poeta Miguel Azguime decidiu non viaxar a Galicia para presentar o seu traballo Salt itinery, que estaba previsto para o domingo día 20. No seu lugar, a organización deciciu apostar pola proposta de Pornós, un grupo de traballa nas lindes da performance e da posdramaturxia co seu traballo Farts. Arte con maiúsculas, unha das revelacións da escena galega dos últimos anos. Nun esforzo contrarreloxio, articulouse un programa titulado Escenas cruzadas [Poesías híbridas] que reúne nunha sesión, a partir das 21 horas do domingo 21 de setembro, a estrea de Sentadas na beira do escenario cos pés colgados do artista interdisciplinar Celso Fernández Sanmartín –un proxecto do propio festival– e Farts. Arte con maiúsculas, resultado dan esforzo colaborativo onde un grupo de sete performers saídos da ESAD de Vigo se xuntan e xogan a ser o medio e a creación.


 

Desde este mércores xa podedes retirar as entradas para o festival

A partir deste mércores día 16 pódense reservar as entradas para os recitais do festival Alguén que respira! Serán oito os programas nos que se articulan as entradas, cada un con vari*s poetas e percorridos. O programa completo podédelo ver nesta mesma web e descargalo. Para reservar tedes dúas posibilidades: ben no propio teatro en horas de billetería (de 18.00 horas a 21:00 horas)  ou na web de Compostela Cultura (www.compostelacultura.gal). As entradas para todo o programa son gratuítas.


 

Celso Fernandez Sanmartin ponnos cos pés colgados

Unha das estreas máis agardadas do Alguén que respira! é, sen dúbida, Sentadas na beira do escenario cos pés colgados, unha peza ideada por Celso Fernández Sanmartín para esta cita poética, a máis importante da axenda anual en Galicia. Alguén que respira!, denominación do Festival para Corpo Principal que se celebra en Compostela entre o 19 e o 21 de marzo, presenta un cartel con cincuenta creadoras e creadores, nunca aposta sen precedentes no panorama poético peninsular.

Continuar lendo “Celso Fernandez Sanmartin ponnos cos pés colgados”

Rompente estrea o seu espectáculo ‘Que hostia din os rumorosos?’

Que hostia din os rumorosos? é o título do espectáculo que Rompente, un dos colectivos poéticos máis importantes da historia da literatura galega, estrea no Alguén que respira! despois do seu regreso á escena o pasado ano. O festival, celébrase en Santiago entre os días 19 e 21 de setembro, co Teatro Principal da cidade como escenario e reúne a más de corenta artistas de distintas disciplinas en alianza creativa coa poesía. Continuar lendo “Rompente estrea o seu espectáculo ‘Que hostia din os rumorosos?’”

Un “Corpus literario”, dúas estreas e catro producción propias

Ata catro producións propias se programaron este ano na terceira edición do Alguén que respira!, Festival de Poesía para Corpo Principal que se desenvolverá en Compostela entre o 18 e o 21 de marzo. O festival está organizado pola Concellería de Cultura do Concello de Santiago coa colabroación da Secretaría Xeral de Política Lingüística da Xunta de Galicia. A estas catro producións do propio festival, súmanse dúas estreas, a da proposta Que hostia din os rumorosos?, do histórico colectivo Rompente, que presentarán temas novos despois de case corenta anos transcorridos desde a súa disolución, e Salt itinerary, do creador multidisciplinar portugués Miguel Azguime, unha das figuras máis prestistixiosas da performance europea. Entre as producións propias, está o singular proxecto do propio festival Corpus literario, que se desenvolve no escenario do Teatro Principal o vindeiro 19 de marzo a partir das 18:30 da tarde.

Continuar lendo “Un “Corpus literario”, dúas estreas e catro producción propias”

Lupe Gómez volve recitar en público tras anos de silencio poético

Unha das oportunidades que nos ofrece este ano o festival Alguén que respira! é a de escoitar recitar a Lupe Gómez tras anos de silencio. A autora de libros referenciais da poesía galega contemporánea como Pornografía ou Camuflaxe participa dentro do recital inaugural do sábado día 19 xunto a Beatriz Chivite, Manuel Rivas, Renato Filipe Cardoso, Blanca Llum e Ada Salas, unha das propostas excepcionais do festival.

Continuar lendo “Lupe Gómez volve recitar en público tras anos de silencio poético”

Mercedes Peón e María Reimondez estrean ‘Linguas elementais’

Amosar as posibilidades híbridas entre a poesía e a música foi o obxectivo do festival Alguén que respira! para propoñerlle a Mercedes Peón unha peza singular que se estrease no festival. A artista, unha das figuras máis admiradas da música popuar galega actual, ofrece deste xeito Linguas elementais, unha investigación de desbordante poder sonoro na que colabora, principalmente, con María Reimóndez, pero na que tamén se poderán albiscar os versos doutras poetas, como Yolanda Castaño ou Sukirtharani.

Continuar lendo “Mercedes Peón e María Reimondez estrean ‘Linguas elementais’”

“Je vous salue, Fran Cortegoso”, unha homenaxe do festival e de Pablo Fidalgo ao fascinante poeta de “Suicidas”

Alguén que respira!, o festival de Poesía para Corpo Principal que se celebra en Compostela entre os días 18 e 21 de marzo, realizará este ano unha homenaxe especial ao xa lendario poeta Francisco Cortegoso, falecido no 2016, cunha peza realizada especialmente para a ocasión por Pablo Fidalgo. O festival, organizado pola Concellería de Cultura do Concello de Santiago coa colaboración da Secretaría Xeral de Política Lingüística da Xunta de Galicia, preparou un amplo programa no que figura esta singular proposta, prevista para o luna 21 de marzo a partir das seis da tarde.

Continuar lendo ““Je vous salue, Fran Cortegoso”, unha homenaxe do festival e de Pablo Fidalgo ao fascinante poeta de “Suicidas””

Vós escribides o poema

Visibilizar a cultura nun momento tan sombrío como o actual é un dos obxectivos de Alguén que respira!, o festival de poesía que se desenvolve no Teatro Principal de Santiago de Compostela entre o 19 e  21 de setembro. Aprazado en marzo por causa da covid-19, o respira! cambia o solsticio de primavera polo de outono pero conserva a súa esencia de servir como motor de creación poético, con cinco estreas e a presenza de máis de trinta de poetas.Toda a información do festival pode seguirse na páxina www.alguenquerespira.gal, que cada día inclúe informacións novas.

 

 

A terceira edición do Alguén que respira! chega carregada de emocións e acontecementos, pero tamén de retos e compromisos. Durante tres días e cun programa de recitais excepcionais, o festival busca o máis difícil: romper as barreiras entre público e poetas nunha época de distancias físicas. Fronte aos límites impostos nas relacións sociais pola emerxencia sanitaria o festival pretende converter a poesía nun instrumento de aproximación comunitario.

O lema desta nova edición, Vós escribides o poema, amosa xa ata que punto o respira! asume e valora a necesidade de afianzar o compromiso do público coa cultura. Os protocolos contra a pandemia do covid-19 establecen aforos reducidos e medidas de circulación que, como un manual de instrucións, converten cada acto social nunha posta en escena performática e ao público en performers. Mesmo, a súa asistencia é un desafío que o festival agradece converténdoo no eixo dunha programación marcada pola sorpresa, as propostas máis arriscadas e a fisicidade, signos singulares dun programa único en Galicia, promovido polo Concello de Santiago coa colaboración da Secretaría Xeral de Política Lingüística.

A responsabilidade é grande para a organización e baixo este principio articulouse o respira! baixo as máis estritas medidas de seguridade. O obxectivo é que o festival e o propio Teatro Principal sexan un expositor de como desenvolver programas culturais cos parámetros de seguridade máis esixentes. Tan importante é garantir a protección de participantes e público como visibilizar os encontros culturais nun momento tan sombrío para a cultura como o actual.

Houbo cambios respecto do programa previsto en marzo, algúns significativos, como a suspensión do apartado out, que ía celebrarse en distintos espazos de ocio nocturno da cidade. Así, por vez primeira non se celebrará o slam do respira!. Pero tamén hai suxestivas novidades, como o recital de Lupe Gómez –que leva xa anos sen ler os seus poemas en público– ou a presenza de Ada Salas, unha das poetas que contribuíron a ensanchar os códigos líricos da chamada poesía do silencio. 

A elaboración dun programa propio foi un dos sinais de identidade do Alguén que respira! nas primeiras convocatorias e nesa liña, este ano programouse unha ambiciosa rede de propostas realizadas para o Teatro Principal, ademais doutros espectáculos que chegan por primeira vez a Galicia, como é o caso da peza de Miguel Azguime con Salt itinery. Poetas, instrumentistas, compositores e compositoras, actores, performers ou videocreadoras ofrécennos os seus traballos de hibridación artística, indagando en linguaxes propias e alleas, arriscándose coa palabra ou co silencio, co ruído ou coa voz, pero sempre en contacto coa indicible condición de asombro e estrañeza que contén a poesía. 

O programa inclúe o sábado 19, a partir das 21 horas, unha homenaxe á recentemente falecida Luz Pozo Garza, poeta que escribiu o manifesto deste ano. A mais da lectura do texto –que realizará Nieves Neira–, proxectarase Luzazul, gravación reeditada especialmente para o festival dunha longa entrevista que a poeta realizou na TVG. Pouco despois terá lugar o recital poético de apertura, coa participación de Beatriz Chvite, Lupe Gómez, Renato Filipe Cardoso, Manuel Rivas, Blanca Llum e Ada Salas.

Ese mesmo 19, pero pola mañá, a partir das 12:30, está prevista unha sesión de reguefa con algúns e algunhas das regueifeiras con maior pericia do país, Lupe Blanco, Josiño da Teixeira, Olalla da Prica e Manolo de Burela.

Pola tarde e antes do recital inaugural, preséntase unha proposta singular, proxectada para o festival e realizada polo seu equipo artístico. Na dirección Antón Lopo e Baltasar Patiño na iluminación. A documentación foi de Séchu Sende e o espazo sonoro un deseño de Ana Romaní e Chus Silva. Sobre o escenario do Teatro Principal, corpos construídos a si mesmos como ámbitos literarios. Poesía de radical fisicidade, con versos de Manuel Antonio ou de Cunqueiro, que os visitantes poderán ler escritos sobre un soporte insólito: a pel. Charo Lopez, Lupita Hard, Paulinha, Nébeda Piñeiro, Xosé Antonio Liste, Millán Fernández e Sonia Outes son os performers que nos achegan os seus corpos para a particular lectura.

Tamén poderá verse por vez primeira Sentadas na beira do escenario cos pés colgados, unha proposta de Celso Fernández Sanmartín que supón o seu regreso á linguaxe poética. A esta peza, que poderá verse o venres ás oito da tarde, súmase a homenaxe que o festival lle rende ao poeta Francisco Cortegoso a través de Je vous salue, Fran Cortegoso, realizada por Pablo Fidalgo.

Polos diferentes espazos do festival poderán escoitarse e verse a case cincuenta poetas, algunhas delas inéditas en Galicia. A poesía en catalán terá unha sesión específica o domingo día 20 pola mañá con André Targa, Pol Guasch e Pau Vadell.

Entre os nomes incluídos no programa, figuran ademais Lara López, María Lado, Rafa Lobelle, Carlos Quiroga, David Trashumante, O Leo ou Rosalía Fernández Rial.

Ada Salas, unha das sorpresas do recital inaugural do sábado 19

Ada Salas, unha das poetas esenciais da poesía española contemporánea, estará no Teatro Principal de Compostela o sábado 19 para participar no recital inaugural do Alguén que respira!, a gran cita anual da poesía en Galicia. O festival, que foi aprazado o pasado mes de marzo por efecto da covid-19, chega ao público para celebrar o solsticio de outono, unha festa tradicionalmente ligada á embriaguez que neste caso terá como principio activo a poesía.

Ada Salas (Cáceres, 1965) intégrase no novo programa do respira! cunha proposta de verso minimalista e escuado, característica que a emparenta para boa boa parte da crítica coa poesía do silencio, practicada por José Ángel Valente. Ela sería a encargada de levar a esixencia conceptual do poeta ourensán a límites áinda máis radicais. A intensidade e o un uso dunha linguaxe propia son elementos que converteu os seus recitais nunha oportunidade única para reflexionar sobre o exercicio da escrita e as experiencias emocionais.