O festival Alguén que respira! mantera desde mañá na súa web, www.alguenquerespira.gal, unha serie de audios coa voz das e dos poetas que estaban no programa do festival, aprazado a pasada semana de acordo coas medidas decretadas pola Xunta para evitar a expansión do coronavirus. O festival, unha referencia na axenda dos encontros poéticos peninsulares, ía celebrarse do 18 ao 21 de marzo, que é cando se celebra o Día Mundial da Poesía. Agora, nesas mesmas datas, a web manterá unha programación permanente baixo o lema “Poesía contra coronavirus”.
Aprázase o festival Alguén que respira! pola crise sanitaria do coronavirus
Informámovos que de acordo coas medidas decretadas pola Xunta dentro da estratexia preventiva contra a expansión do coronavirus, o festival de poesía Alguén que respira! queda aprazado ata unha data que se comunicará oportunamente. A medida foi acordada polos organizadores do evento, o Concello de Santiago e a Secretaría Xeral de Política Lingüística da Xunta de Galicia.
O programa manterase integramente tal como está de cara á súa organización nos próximos meses. O festival conta coa presenza de case cincuenta creadores do panorama internacional e unha serie de actividades que inclúen recitais, performances, pezas dramáticas e concertos.
O equipo leva traballando varios meses na organización deste evento, o máis importante da axenda poética de Galicia e un dos máis prestixiosos do estado. Este ano, de feito, o festival Vociferio de Valencia designara o Respira! para o acto de irmanamento que organizan anualmente.
O equipo artístico e técnico do Respira!, así como os seus organizadores, confían que esta crise sanitaria sexa atallada da maneira rápida e lamentan a dramática situación de angustia que viven os miles de afectados e a sociedade en xeral. O coronavirus supón, como xa comprobamos estes días, unha ameaza para a vida pero tamén un risco para a convivencia e os valores culturais.
Tod*s nós esperamos encontranos dentro dunhas semanas cunha emoción aínda maior da que xa agora nos enchia de ilusión polo festival.
Moitísimas grazas pola vosa axuda!!!!
O estado catalán da poesía
Baixo o epígrafe O estado catalán da poesía, o festival Alguén que respira! presentará o día 20 de marzo sobre o escenario do Teatro Principal de Compostela unha panorámica da poesía máis nova que actualmente se fai en Cataluña. Deste xeito, reúne a André Targa, Blanca Llum Vidal e Pol Guasch, tres voces que representan a axitación e variedade dunha lírica en plena ebulición.
Celso Sanmartin sube o público do festival ao escenario na súa nova peza
Unha das estreas máis agardadas do Alguén que respira! é, sen dúbida, Sentadas na beira do escenario cos pés colgados, unha peza ideada por Celso Fernández Sanmartín para esta cita poética, a máis importante da axenda anual en Galicia. Alguén que respira!, denominación do Festival para Corpo Principal que se celebra en Compostela entre o 18 e o 21 de marzo, presenta un cartel con cincuenta creadoras e creadores, nunca aposta sen precedentes no panorama poético peninsular.
Continuar lendo “Celso Sanmartin sube o público do festival ao escenario na súa nova peza”
Mercedes Peón e Maria Reimondez falan as “Linguas elementais”
Amosar as posibilidades híbridas entre a poesía e a música foi o obxectivo do festival Alguén que respira! Para propoñerlle a Mercedes Peón unha pesa singular que se estrease no festival. A artista, unha das figuras máis admiradas da música popuar galega actual, ofrece deste xeito Linguas elementais, unha investigación de desbordante poder sonoro na que colabora, principalmente, con María Reimóndez, pero na que tamén se poderán albiscar os versos doutras poetas, como Yolanda Castaño ou Sukirtharani.
Continuar lendo “Mercedes Peón e Maria Reimondez falan as “Linguas elementais””
Miguel Azguime, unha estrea no Respira! entre a creación e a loucura
O performer, poeta e compositor portugués achega a súa exeperimentación sobre a construcción escénica da palabra
Alguén que respira!, o Festival para Corpo Principal que se celebra en Compostela entre o 18 e o 21 de marzo, estreará en Galicia salt itinerary un dos espectáculos máis celebrados do sempre inquietante creador portugués Miguel Azguime. O festival inclúe ademais desta estrea catro producións realizadas especialmente para a ocasión de Mercedes Peón, Celso Sanmartin e Pablo Fidalgo, ademais da presentación da nova proposta poética de Rompente.
Continuar lendo “Miguel Azguime, unha estrea no Respira! entre a creación e a loucura”
Rompente presenta as súas novas composicións
Que hostia din os rumorosos? é o título do espectáculo que Rompente, un dos colectivos máis importantes da historia da literatura galega, estrea no Alguén que respira! despois do seu regreso á escena poética galega o pasado ano. O festival, celebrase en Santiago entre os días 18 e 21 de marzo, co Teatro Principal da cidade como espazo principal pero tamén atinxindo outros ámbitos nos que a oralidade da poesía é protagonista desde hai anos, como Riquela, que servirá de escenario ao slam, o Modus Vivendi, cunha programación estable de micro aberto, ou A Casa do Taberneiro, onde habitualmente se celebran regueifas. Continuar lendo “Rompente presenta as súas novas composicións”
“Je vous salue, Fran Cortegoso”, unha homenaxe do festival ao fascinante poeta de “Suicidas”
Alguén que respira!, o festival de Poesía para Corpo Principal que se celebra en Compostela entre os días 18 e 21 de marzo, realizará este ano unha homenaxe especial ao xa lendario poeta Francisco Cortegoso, falecido no 2016, cunha peza realizada especialmente para a ocasión por Pablo Fidalgo. O festival, organizado pola Concellería de Cultura do Concello de Santiago coa colaboración da Secretaría Xeral de Política Lingüística da Xunta de Galicia, preparou un amplo programa no que figura esta singular proposta, prevista para o sábado 21 de marzo a partir das oito da tarde.
Sete “Corpus literarios” e catro producións propias
Ata catro producións propias se programaron este ano na terceira edición do Alguén que respira!, Festival de Poesía para Corpo Principal que se desenvolverá en Compostela entre o 18 e o 21 de marzo. O festival está organizado pola Concellería de Cultura do Concello de Santiago coa colabroación da Secretaría Xeral de Política Lingüística da Xunta de Galicia.
Continuar lendo “Sete “Corpus literarios” e catro producións propias”
Pecha a selección de participantes para a performance “Corpus literario”
Este luns concluíu a selección de participantes para a performance Corpus literario, incluída no festival Alguén que respira!, que se celebra en Compostela entre os días 18 e 21 de marzo. O festival, organizado pola Concellería de Cultura do Concello de Santiago coa colaboración da Secretaría Xeral de Política Lingüística da Xunta de Galicia, preparou un amplo programa no que figura esta performance, unha singular proposta para ler poesía escrita sobre a pel. Corpus literario desenvolverase o vindeiro 19 de marzo, a partir das sete da tarde, no escenario do Teatro Principal para un número reducido de espectadores.
Seis imprescindibles da poesía ibérica encherán Compostela de poesía o 19 de marzo
Beatriz Chivite, Antonio Barahona, Chus Pato, Manuel Rivas, Pau Vadell e María Sánchez recitarán no Teatro Principal dentro da programación do festival ‘Alguén que respira!’
‘Alguén que respira!’, a gran cita anual da poesía en Galicia, celebrará o día 19, a partir das oito e media do serán, o seu tradicional recital das linguas ibéricas. Nel participan algunhas das voces máis extraordinarias que actualmente crean en vasco, galego, portugués e catalán, reunidas no escenario do Teatro Principal de Compostela para festexar a poesía a través da palabra e da voz.
Continuar lendo “Seis imprescindibles da poesía ibérica encherán Compostela de poesía o 19 de marzo”
Regueifa, slam e micro aberto: eixos da nova sección ‘Respira! Out’
O festival Alguén que respira! chega á súa terceira edición cun programa que se amplía en contidos e en espazos a través da sección ‘Respira! Out’, a gran novidade deste ano.
O ‘Respira! Out’ concentrará basicamente as propostas de matiz máis popular, dentro dun proxecto para vincular ao festival os espazos nos que habitualmente se celebran regueifas, slam ou micros abertos. Deste xeito, o Teatro Principal, espazo central do festival, prolóngase con escenarios xa clásicos do circuíto poético, como A Casa do Taberneiro ou o Riquela.
Continuar lendo “Regueifa, slam e micro aberto: eixos da nova sección ‘Respira! Out’”
O Teatro Principal de Compostela acolle entre o 18 e o 21 de marzo a III edición do festival
Alguén que respira!, o Festival de Poesía para Corpo Principal que impulsa a Concellería de Cultura de Compostela, celebra a súa terceira edición entre o 18 e o 21 de marzo. O programa, caracterizado pola ambición, a calidade e a variedade, pretende xuntar a algunhas das máis escintilantes propostas da creación poética.